சமூகநீதியின் நெருப்புப் பொறி துவங்கிய மாநிலத்தில் குடியிருப்புகளின் ஜாதிப் பெயர் நீக்கம்

December 04, 2020 • Viduthalai

மராட்டிய அரசு உத்தரவு

மும்பை, டிச.4 இந்தியாவில் தமிழ்நாடு, பீகார், மராட்டியம் போன்ற மாநிலங்கள் சமூகநீதிக்கான எடுத்துக்காட்டாக திகழ்கின்றன  அதில், மராட்டிய மாநிலத்திற்கும் முக்கிய பங்கு உண்டு. மகாத்மா ஜோதிராவ் புலே, சாகு மகராஜ், அண்ணல் அம்பேத்கர் என மாபெரும் சமுதாயச் சீர்திருத்தச் சிந்தனையாளர்களை வழங்கிய பெருமை மராட்டிய மண்ணிற்கு உண்டு.  அந்த மண்ணில் தற்போது முற்போக்கான ஒரு முடிவை மராட்டியத்தின் முதலமைச்சர் உத்தவ் தாக்கரே தலைமையிலான சிவசேனா - காங்கிரஸ் கூட்டணி அரசு எடுத்துள்ளது

மராட்டிய மாநிலம் முழுமையும் பிராமன்வாடா (பார்ப்பனர்கள் குடியிருக்கும் பகுதி), கோலிவாடா (மீனவர் குடியிருப்பு) சர்ம்மாவாடா (தாழ்த்தப்பட்டவர்கள் குடியிருப்பு) மங் வாடா (சூத்திரர் குடியிருப்பு) தோர் பஸ்தி (பழங்குடியினர், நாடோடிகள் குடியிருப்பு), மல்லி கல்லி (குறிப்பிட்ட ஜாதியினர் மட்டுமே வசிக்கும் தெரு) போன்றவை ஒழிக்கப்படும் என்றும்; அவற்றுக்கு மாற்றாக சமதா நகர் (ஒற்றுமைநகர்), பீம் நகர், ஜோதி நகர், சாகு நகர், கிராந்தி நகர்(புரட்சி நகர்) என்ற புதுமைப் பெயர்கள் சூட்டப்படும் என்றும் குறிப்பிட்ட ஜாதியினர் மட்டுமே வசிக்கும்பகுதிகளில் அனைத்து ஜாதியினரும் வசிக்கும் நிலையை உருவாக்க முயற்சிகள் எடுக்கப் படும் எனவும் மராட்டிய அரசு அறிவித்துள்ளது. அம்பேத்கர் அவர்கள் பெயரில் வழங்கப்படும் விருதும், அம்பேத்கர் சமஜ் பூசண் விருது என வழங்கப்படும் எனத் தெரிவிக்கப்பட்டுள்ளது.

தந்தை பெரியார் 1929-ஆம் ஆண்டு செங்கல்பட்டு முதல் சுயமரியாதை மாநாட்டில் தங்களின் பெயருக்குப் பின்னால் உள்ள ஜாதிப்பெயர்களை நீக்க முடிவெடுத்து அதை தீர்மானமாக நிறைவேற்றினார். அன்றிலிருந்து இன்றுவரை தமிழகத்தில், அரசியல் தலைவர்கள் உள்ளிட்ட யாரும் ஜாதிப் பெயர்களைக் வைத்துக்கொள்வதில்லை.

தாங்கள் படித்துப் பெற்ற பட்டங்களையே தாங்கி நின்று, சமூகநீதியின் அடையாளத்தை வெளிப்படுத்துகிறார்கள். அதுபோலவே, தெருக்களில் உள்ள ஜாதிப் பெயர்களும் எம்.ஜி.ஆர். ஆட்சிக்காலத்தில் நீக்கப்பட்டுவிட்டது. ஜாதி ஏற்றத்தாழ்வின்றி அனைத்து மக்களும் சேர்ந்து இணக்கமாக வசிக்கக்கூடிய கனவுத் திட்டமான தந்தை பெரியார் பெயரிலான ‘சமத்துவபுரம்’, தலைவர் கலைஞர் அவர்கள் ஆட்சியில் தமிழகம் முழுவதும் உருவாக்கப்பட்டு, இந்தியாவுக்கே வழிகாட்டும் மனிதநேயத்தின் மகத்தான மய்யங்களாயின.

பல நூறு ஆண்டுகளாகப் பரவிப் புரையோடிப் போயிருக்கும் ஜாதிப் பாகுபாடுகளை - அதன் விளைவாக நேர்ந்த கொடுமைகளை - வன்மத்தை அகற்றிட, தொடர்ச்சியான செயல் பாடுகள் தேவை. அனைத்து மாநி லங்களிலும் அவை பரவலாக முன் னெடுக்கப்பட வேண்டும். அந்த வகையில், மராட்டிய மாநிலத்தில் முதலமைச்சர் உத்தவ் தாக்கரே தலைமையிலான அரசு இதனைமேற்கொண்டுள்ளது.

சமூகநீதியால் பயன் உண்டே தவிர, ஆன்மிகத்தால் அல்ல!

January 03, 2021 • Viduthalai

 தந்தை பெரியார் நினைவு நாளில் தமிழர் தலைவர்

சென்னை,  ஜன.3    சமூகநீதியால் பயன் உண்டே தவிர, ஆன்மிகத்தால் அல்ல என்றார் தமிழர் தலைவர் திராவிடர் கழகத் தலைவர் ஆசிரியர் கி.வீரமணி அவர்கள்.

தந்தை பெரியார் 47 ஆம் ஆண்டு நினைவு நாளான  கடந்த 24.12.2020 காலை சென்னை பெரியார் திடலில் நடைபெற்ற கருத்தரங்கத்தில், இந்திய கம்யூனிஸ்ட் கட்சியின் மத்திய குழு உறுப்பினர் தோழர் தா.பாண்டியன் அவர்களுக்கு ‘பெரியார் விருது' வழங்கப்பட்டது.  அந்நிகழ்வில்,  திராவிடர் கழகத் தலைவர் ஆசிரியர் கி.வீரமணி அவர்கள் உரையாற்றினார்.

அவரது  உரையின் நேற்றையத் தொடர்ச்சி வருமாறு:

சமூகநீதியால் பயன் உண்டே தவிர,

ஆன்மிகத்தினால் பயனில்லை

ஆன்மிகம், ஆன்மிகம் என்று சொல்கிறார்களே, ஆன் மிகத்தினால் என்ன பயன்? சமூகநீதியால் பயன் உண்டே தவிர, ஆன்மிகத்தினால் பயனில்லை.

இன்றைக்குப் பெண்கள் படித்திருக்கிறார்களே, பெரியார் மண் எப்படி என்று கேட்கிறீர்களே, உங்களுக்குப் பதிலை நாங்கள் சொல்லவில்லை. இப்பொழுது ஓய்வு பெற்று செல்கிறாரே, தலைமை நீதிபதி அவர் சொல்கிறார், தமிழ்நாட்டில்தான் உயர் நீதிமன்றத்தில் 13 பெண் நீதிபதிகள் இருக்கிறார்கள். இதுபோன்று இந்தியாவில் உள்ள வேறு எந்த மாநிலத்திலும் கிடையாது என்று சொன்னாரே!

அது எப்படி மந்திரக்கோலால் வந்ததா? அல் லது ஆன்மிக அரசியலினால் வந்ததா? அல்லது சமூகநீதிப் போராட்டத்தை பெரியார் தொடங்கி யதினாலே - திராவிட இயக்கத்தினாலே வந்ததா?

இங்கே அய்யா நீதிபதி அரிபரந்தாமன் கேட் டாரே, உச்சநீதி மன்றத்தில் இன்னமும் சமூகநீதி எட்டிப் பார்க்கமுடியவில்லை என்று. அங்கே பிற்படுத்தப்பட்ட சமுதாயத்தைச் சேர்ந்த ஒரே ஒரு அம்மையார் இருந்தார், அவரும் இப்போது ஓய்வு பெற்றுவிட்டார். இப்போது ஆளே கிடையாது.

பெண்களை நீதிபதிகளாகப் போடுங்கள் என்றால், உயர்ஜாதி பெண்களாகப் பார்த்து போடுகிறார்கள்

ஒரே ஒருவர் மகாராட்டிராவில் இருந்து சென்றிருக்கிறார். அவர் தாழ்த்தப்பட்ட சமுதாயத் தைச் சேர்ந்தவர். மற்ற அத்தனை பேரும் உயர்ஜாதிக்காரர்கள்.

இன்னும் ஒரு தந்திரம் என்னவென்று சொன் னால், பெண்களை நீதிபதிகளாகப் போடுங்கள் என்று சொன்னால், உயர்ஜாதி பெண்களாகப் பார்த்து போடுகிறார்கள்.

எனவேதான், பெரியார் அன்றும் தேவைப் பட்டார் - இன்றும் தேவைப்படுகிறார் - நாளைக் கும் அதிகமாகத் தேவைப்படுவார்.

திராவிடம் வெல்லவேண்டும் என்று சொல் வதற்கு இதுதான் அடையாளம்.

சுயமரியாதைத் திருமணம் இங்கேதான் நடைபெறுகிறது என்று நீதிபதி அரிபரந்தாமன் அவர்கள் சொன்னார்.

50 ஆண்டுகளுக்குப் பிறகு அதனை எதிர்த்து வழக்குப் போட்டார்கள். சுயமரியாதைத் திருமணம் செல்லாது என்பதற்காக முயற்சி எடுத்தார்கள்! வடக்கே இருந்து வந்த நீதிபதிதான், இப்பொழுது உச்சநீதிமன்றத்தில் இருக்கிறார். அவர் தலைமையில் வழக்கு நடைபெற்றது. அது செல்லும் என்ற அளவிற்கு வந்ததற்கு என்ன காரணம்? இது பெரியார் மண் என்பதுதான்.

ஒரு எம்.பி, கூட இல்லாமல், ஒரு சட்டப்பேரவை உறுப்பினர்கூட இல்லாமல், முதலாவது அரசியல் சட்டத் திருத்தத்தை தந்தை பெரியார் செய்தார் என்று தோழர் தா.பாண்டியன் அவர்கள் சொன் னார்களே, அதனுடைய தாக்கம்தான் இந்த வெற்றி.

ஒரு செய்தியை உங்களுக்குச் சொல்கிறேன்,

பெரியாருடைய பணி என்பது, அவர் உருவத் தால் மறைந்திருக்கலாம்; உணர்வால் நிறைந்து, உலகம் முழுவதும் நிறைந்து உலகப் பெரியாராக இன்றைக்குப் பரிமளித்திருக்கிறார் என்பதற்கு அடையாளம் ஒரு செய்தியை சொல்கிறேன், பொத்தாம் பொதுவாக அல்ல - ஆதாரப்பூர்வமாக - ஒரு புள்ளிவிவரத்தோடு சொல்கிறேன்.

307 இணையேற்பு நிகழ்ச்சிகள்

பெரியார் திடலில், பெரியார் சுயமரியாதைத் திருமணம் நிலையம் இருக்கிறது. அங்கே, நடைபெறும் திருமணம் சடங்கு இல்லாமல், சம்பிரதாயம் இல்லாமல், இரண்டு பேர், நான்கு பேர் வருகிறார்கள், திருமணம் செய்து கொள்வதற்காக வருகிறார்கள். அவர்களுக்கு ரத்தப் பரிசோதனை, வயது சான்றிதழ் உள்பட அனைத்தையும் சரி பார்த்து திருமணத்தைப் பதிவு செய்கிறார்கள்.

2020 ஜனவரி மாதம் 20 ஆம் தேதியிலிருந்து டிசம்பர் 24, 2020 வரை 307 இணையேற்பு நிகழ்ச்சிகள் நடைபெற்று இருக்கிறது.

இதில், ஜாதி மறுப்புத் திருமணங்கள் 272

அங்கொன்றும், இங்கொன்றுமாக நடந்தால் அது செய்தியாகிறது. ஆனால்,  ஆணவக் கொலைகள் அந்தப் பக்கத்தில் நடைபெறும். அதையும் கண்டிக்கிறோம். ஒன்றுகூட அவ்வாறு நடைபெறக்கூடாது என்பதில் உறுதியாக இருக்கிறோம்.

ஆனால், நண்பர்களே! பெரியார் வெற்றி பெற்றாரா? இல்லையா?

பெரியார் என்பது தத்துவம் - பெரியார் என்பது ஒரு போர்க் கருவி - திராவிடம் என்பது லட்சியம் - திராவிடம் என்பது போர்க் கருவி!

அந்த அடிப்படையில்,

ஜாதி மறுப்புத் திருமணங்கள் 272

வேற்று மாநிலத்தவர் திருமணங்கள் 17

பார்ப்பனர் உள்பட இணையேற்பு விழா 12

மணமுறிவு பெற்று மறுமணம் 6

மணவிழா நடத்திக் கொள்கின்றவர்கள் மன முவந்து ‘விடுதலை' சந்தாக்களைக் கொடுக்கிறார் கள்.

ஆகவே, இந்தக் கொள்கை வளர்ந்திருக்கிறதா? இல்லையா?

கடவுளை மற என்று சொன்ன தந்தை பெரியார், அதோடு நின்றுவிடவில்லை - மனிதனை நினை என்றார்.

அப்படியே வாழ்ந்து காட்டினார். தோழர் பாண் டியன் அவர்கள் இங்கே உரையாற்றும் பொழுது சொன்னார், பெரியாரிடம் கொடுக்கப்பட்ட ஒவ் வொரு காசையும் பொதுமக்களுக்கே திரும்பக் கொடுத்தார். பெரியாருடைய சொந்த சொத்து களையும் கொடுத்தார்.

அந்தச் சொத்தை சட்டப்படி பாதுகாப்பதற்காகத் தானே மணியம்மையார் திருமண ஏற்பாடு. அந்த நேரத்தில், அந்த செய்தி அரசியலுக்காகப் பயன்படுத்தப்பட்டு இருக்கலாம். அது வேறு செய்தி!

ஆனால், அவரால் உருவாக்கப்பட்ட நிறுவனங் களை நீங்கள் நினைத்துப் பார்க்கவேண்டும் நண் பர்களே! ஒரு செய்தியை உங்களுக்குச் சுட்டிக் காட்டவேண்டும்.

3,773 குழந்தைகள் பயனடைந்து இருக்கிறார்கள்

1959 ஆம் ஆண்டு தந்தை பெரியாரும், அன்னை மணியம்மையாரும் சேர்ந்து "நாகம் மையார் ஆதரவற்ற  அனாதை  குழந்தைகள் இல்லம்" என்ற பெயரில் ஆரம்பித்தார்கள். நான் பொறுப்பேற்ற பிறகு, ஆதரவற்ற, அனாதை என்ற சொற்களை எடுத்துவிட்டோம். அதை அவர்களுக்குத் திரும்பத் திரும்ப ஞாபகப்படுத்தக் கூடாது; அது தேவையும் இல்லை. நாமெல்லாம் இருக்கின்றபொழுது அந்தக் குழந்தைகள் ஒரு போதும் அனாதைகள் ஆகமாட்டார்கள்; ஆதர வற்றவர்களாக ஆகமாட்டார்கள்.

அந்த இல்லத்தினை அய்யா தொடங்கிய காலத்திலிருந்து, இதுவரையில் 3,773 குழந்தைகள் பயனடைந்து இருக்கிறார்கள்.

இந்த இயக்கம் ஏதோ சாதாரணமான இயக்க மல்ல - ஏதோ பேசிவிட்டுப் போகக்கூடிய இயக்க மல்ல. பெரியாரிடம் கொடுக்கப்பட்ட ஒவ்வொரு காலணாவும், கையெழுத்திற்காக வாங்கிய நாலணாவும் எப்படி பயன்பட்டு இருக்கின்றன என்பதை நினைத்துப் பார்க்கவேண்டும்.

இல்லத்தில் வளர்ந்த 34 பெண்குழந்தைகளுக்குத் திருமணம் செய்து வைத்திருக்கிறோம்

அங்கேவளர்ந்தகுழந்தைகள்என்னஜாதி, என்ன மதம் என்று தெரியாது. பெரும் பாலும் மருத்துவமனையிலிருந்து எடுக்கப்பட்ட குழந்தை கள்தான் ஏராளம். அவர்களுக்கு முன்னெழுத்து என்ன தெரியுமா? ஈ.வி.ஆர்.எம்.; அந்த இல்லத்தில் வளர்ந்த 34 பெண் குழந்தைகளுக்குத் திருமணம் செய்து வைத்திருக்கிறோம். அதுமட்டுமல்ல, அவர் களுக்குப் பிள்ளைகள் பிறந்து, அவர்களுக்கும் நான் திருமணம் செய்து வைத்திருக்கிறேன்.

நாங்கள், எங்களை விளம்பரப்படுத்திக் கொண்டவர்கள் இல்லை

இவ்வில்லத்தில் பயின்ற மாணவிகள் பலர் பொறியாளர்களாக, ஆசிரியர்களாக, தொழிற் படிப்பு படித்தவர்களாக, இளநிலை உதவியாளர் களாக, அலுவலக உதவியாளர்களாக, அரசு அலுவலர்களாக இருக்கிறார்கள். பேராசிரியர் களாக இருக்கிறார்கள். அதை நாங்கள், எங்களை விளம்பரப்படுத்திக் கொண்டவர்கள் இல்லை. சிலர், காலணா வேலை செய்து, நான்கு ரூபாய்க்கு விளம்பரம் தேடுகிறார்கள். ஆனால், நாங்கள் அப்படியில்லை.

கடந்த இரண்டு ஆண்டுகளுக்கு முன்பு மதுரை உயர்நீதிமன்ற கிளையில் குறிப்பிட்ட இரண்டு வழக்குகள் வந்தன - அதில் ஒரு வழக்கு ஜாமின் கேட்ட வழக்கு.

அந்த வழக்கின் தீர்ப்பில், குற்றம் சுமத்தப் பட்டவர் ஜாமீனில் வெளிவருவதற்கான பணத்தை திருச்சியில் உள்ள  நாகம்மையார் குழந்தைகள் இல்லத்திற்கு நன்கொடை செலுத்தி, ரசீது வாங்கிக் கொண்டு வரவேண்டும் என்று நீதிபதி நாகமுத்து அவர்கள்  தீர்ப்பு வழங்கினார்.

மதங்கள் சார்பாக நடத்தப்படக் கூடிய பல அமைப்புகளில் ஊழல் நடைபெறுகிறது. ஆனால், கடவுளை மற - மனிதனை நினை சொல்லும் இடமோ ஓர் எடுத்துக்காட்டாக இருக்கிறது என்றால், பெரியார் தொண்டர்கள், பெரியார் கொள்கைகள் வெறும் எதிர்மறைப் போக்கானவையல்ல.

சுயமரியாதைத் திருமணத்தைப்பற்றி ஒருமுறை அய்யா சொன்னார்.

கே.டி.கே.தங்கமணியும், ஈ.வெ.கி.சம்பத்தும் நாடாளுமன்ற உறுப்பினர்கள். அவர்கள் இரண்டு பேரும் பெரியார் திடலுக்கு வந்தார்கள். அய்யா அவர்கள் அமர்ந்திருக்கிறார். ‘‘என்ன சம்பத், டில்லியில் என்ன சம்பவம்?'' என்று கேட்கிறார்.

வரலாற்றுப் பேராசிரியர்

ஹிரேன் முகர்ஜி

டில்லியில், கம்யூனிஸ்ட் கட்சியைச் சார்ந்த ஒரு பெரிய அறிஞர் இருக்கிறார். அவர் லண்டனில் படித்த, வரலாற்றுப் பேராசிரியர். அவருடைய பெயர் ஹிரேன் முகர்ஜியாகும்.

பெரியார்மீது மிகவும் பிரியமுள்ளவர் அவர். பெரியாருடைய அண்ணார் மகன் தான் சம்பத் என்பது அவருக்குத் தெரியும்.

அவர்களிடம் ‘‘பெரியாரை சந்திப்பீர்களா?'' என்று கேட்டார்.

"ஆம், பார்ப்போம்" என்றனர்.

"பெரியாரிடம் சொல்லுங்கள்; நான் நீண்ட காலமாக கம்யூனிஸ்ட் கட்சியில் இருக்கிறேன். ராஜ்ய சபா உறுப்பினராக தொடர்ந்து இருக்கிறேன். எங்களுடைய குடும்பம் முழுவதும் கம்யூனிஸ்ட் உணர்வோடு இருக்கிறார்கள். என்னுடைய மகளுக்குத் திருமணம் செய்யவேண்டும் என்றால், நான் பண்டிதரைத்தான், சாஸ்திரியைத்தான் அழைக்கவேண்டி இருக்கிறது. ஆனால், நீங்கள் எவ்வளவு பெரிய வாய்ப்பு பெற்றிருக்கிறீர்கள் என்பதற்கு அடையாளம் என்னவென்றால், உங்களுடைய மாநிலத்தில்தான், பெரியார் - சுயமரியாதைத் திருமணம் என்ற முறையில், புரோகிதமற்ற, சடங்குகளற்ற ஒரு புரட்சிகரமான திருமண முறையை உருவாக்கி வைத்திருக்கிறார். அந்தத் திருமண முறையையே இன்றைக்கு சட்டப்பூர்வமாக்கி விட்டார்கள்'' என்று சொன்னார். ஈ.வெ.கி.சம்பத்தும், கே.டி.கே.தங்கமணி ஆகியோர் தந்தை பெரியாரிடம் இதனைத் தெரிவித்தனர்.

‘‘ஓ, அப்படியே! ஹிரேன் முகர்ஜி அப்படி சொன்னாரா?'' என்று கேட்டு மகிழ்ச்சி அடைந்தார் தந்தை பெரியார் அவர்கள்.

எனவே, நண்பர்களே! இது பெரியார் மண் என்பதற்கு இதுதான் அடையாளம்.

இங்கே தோழர் தா.பாண்டியன் அவர்களும், மேனாள் நீதிபதி அரிபரந்தாமன் அவர்களும் மிகச் சிறப்பாக உரையாற்றினார்கள்.

தோழர் பாண்டியன் அவர்கள் மிகத் தெளி வாக, தன்னுடைய மனவோட்டங்களை எல்லாம் வெளிப்படுத்தி இரண்டு புத்தகங்களை எழுதியிருக்கிறார். சுயபரிசோதனையை செய்து கொள்ளவேண்டும் என்று.

ஜாதியை ஒழிக்காமல்,

என்ன செய்ய முடியும்?

பொதுவுடைமைக்கு யார் எதிரியாக இருக் கிறார்கள் என்று கேட்ட பெரியார், அந்த அமைப்புதானே எதிரியாக இருக்கிறது என்று மிக எளிமையாகச் சொல்லிவிட்டு, ஜாதியை ஒழிக் காமல், என்ன செய்ய முடியும்? என்று கேட்டார்.

வருணமா? வர்க்கமா? என்று நாம் விவாதம் செய்துகொண்டிருப்பதா?

மனுதர்மத்தில் என்ன எழுதியிருக்கிறான்,

பிராமணன், சூத்திரனிடத்தில் கூலி கொடுத் தேனும், கொடுக்காவிட்டாலும் அவனிடத்தில் வேலை வாங்கலாம்.

சூத்திரன் சேர்த்த பொருள் எதுவாக இருந் தாலும், அது பிராமணனுக்குத்தான் சொந்தம்.

இது வர்க்கமா? வருணமா?

எனவே, எது அடிப்படையாக இருக்கிறது - வருணம் அடிப்படையாக இருக்கிறது.

(தொடரும்)

மண்டல் பரிந்துரைகளை அமல்படுத்திய பிரதமர் வி.பி.சிங்கிற்கு சபாஷ்

மண்டல் பரிந்துரைகளை அமல்படுத்திய பிரதமர் வி.பி.சிங்கிற்கு சபாஷ் போட்டு விடுதலையில் வெளிவந்த தலையங்கம்

8.8.1990 அன்று பிற்படுத்தப்பட்டோருக்கு மத்திய அரசிலும் பொதுத்துறை நிறுவனங்களிலும் 27 சதவிகித இடஒதுக்கீடு செய்து பிரதமர் வி.பி.சிங் அரசு உத்தரவு பிறப்பித்தது. அதனை வரவேற்று 10 ஆண்டுகளாக, காங்கிரஸ், பார்ப்பன சூழ்ச்சியால் மூலையில் வீசப்பட்ட மண்டல் குழு பரிந்துரை அமலுக்குக் கொண்டு வரப்பட்டது. சமூகநீதியில் சரித்திரம் படைத்தது. தேசிய முன்னணி அரசு என்று ‘விடுதலை’யில் சிறப்புத் தலையங்கம் தீட்டியது. அதில், “சபாஷ் வி.பி.சிங்’’ என்று தலைப்பிட்டு, “சமூக_கல்வி ரீதியாகப் பிற்படுத்தப்பட்ட மக்கள் என்னும் சொற்றொடர், இந்திய அரசியல் சட்டத்தில் இடம் பெறுவதற்கான காரணம், தந்தை பெரியார் அவர்கள்தான் என்பது வரலாற்று உண்மை; தென்னகத்தில் தந்தை பெரியார் உயர்த்திய சமூகநீதிப் போர்க்கொடியால் அரசியல் சட்டம் முதன்முதலாகக் திருத்தப்பட்டது. அரசுப் பதவிகளில் சமூகநீதியை உறுதிப்படுத்துவதற்காகச் சேர்க்கப்பட்ட சொற்றொடர்தான் அது!

அந்த சமூகநீதி; காலம்காலமாக முழுமையாக பார்ப்பன ஆதிக்கம் கோலோச்சிக் கொண்டிருக்கும் மத்திய அரசுப் பதவிகளிலும் பொதுத்துறை நிறுவனங்களிலும் அமல்படுத்தப்படும்போது, பெரியார் தத்துவம் காலத்தை வென்று நிற்கிறது என்று நிரூபிக்கப்பட்டுவிட்டது.

மண்டல் அறிக்கையை வெளிக்கொணர் வதற்கும் அதை அமல்படுத்த வைப்பதற்கும் எனது தலைமையில் திராவிடர் கழகம் அடுக்கடுக்காக மேற்கொண்ட போராட்டங்கள், மாநாடுகள் ஏராளம்.

இதற்கு அடித்தளமாக இருந்து _ பிரச்சினையின் ஆழத்தை கூர்மையாகப் புரிந்துகொண்டு செயல்பட்டு வரும் _ தந்தை பெரியார், டாக்டர் அம்பேத்கர் தத்துவங்களை உள்ளத்தில் என்றென்றும் ஏந்தியிருப்பவருமான சமூகநலத்துறை அமைச்சர் ராம்விலாஸ்பஸ்வான் அவர்களின் இடைவிடாத முயற்சியை கோடானுகோடி ஒடுக்கப்பட்ட மக்களின் சார்பில் பாராட்டி மகிழ்கிறோம்“ என்று அந்த தலையங்கத்தில் குறிப்பிட்டிருந்தோம்.

மண்டல் குழு பரிந்துரை அமலாக்கம் செய்யப்பட்டதன் விளைவாக நமது வீட்டு குழந்தைகளுக்கு இனி, வி.பி.சிங் என்றோ, விசுவநாத் பிரதாப் சிங் என்றோ பெயரிடுங்கள் என்று வலியுறுத்தும் முக்கிய அறிக்கையில் 8.8.1990 அன்று கேட்டுக்கொண்டேன்.

- அய்யாவின் அடிச்சுவட்டில் கட்டுரையின் ஒரு பகுதி

- உண்மை இதழ், 1- 15 .11 .19

ஜாதியை ஒழிக்க அய்.நா.வில் பேசிய மதுரை மாணவி!

பெண்ணால் முடியும்! : ஜாதியை ஒழிக்க அய்.நா.வில் பேசிய மதுரை மாணவி!

மதுரை மாவட்டத்தில் உள்ள ஒரு குக்கிராமம் கார்சேரி. இங்கே ஒடுக்கப்பட்ட சமூகத்தில் பிறந்து அரசுப் பள்ளியில் படித்த மாணவி பிரேமலதா, அய்.நா.சபையில் உரையாற்றியிருப்பதன் மூலம் தமிழகத்துக்கு மட்டுமல்ல; மனித உரிமைக்காக உழைக்கும் ஒவ்வொருவருக்கும் பெருமை சேர்த்திருக்கிறார்.

அய்.நா. மனித உரிமைக் கல்விக்கான உலகத் திட்டத்தின் கீழ், தமிழ்நாடு ஆதிதிராவிட நலப் பள்ளிகளில், 2002 முதல், 12 ஆண்டுகளுக்கு மனித உரிமைக் கல்வி ஒரு பாடத்திட்டமாகச் சேர்க்கப்பட்டிருந்தது. அந்தப் பாடத்திட்டம் நடைமுறையில் இருந்த பள்ளிகளில் மதுரை மாவட்டம் இளமனூர் அரசு ஆதிதிராவிடர் நலப் பள்ளியும் ஒன்று. அந்தப் பள்ளியில்தான், 6, 7 மற்றும் 8ஆம் வகுப்பு படித்தார் பிரேமலதா. அந்த மூன்றாண்டுகளும் மனித உரிமைக் கல்வியையும் பயின்றார்.

2010-11ஆம் கல்வியாண்டின்போது, மனித உரிமைக் கல்வியின் தாக்கம் எப்படியிருக்கிறது என்று அறிந்துகொள்வதற்காக இந்தியா வந்திருந்தார் - அய்.நா. சபையின் மனித உரிமை கவுன்சில் அதிகாரியான எலினா. அந்த அனுபவத்தை மாண்புக்கான பாதை (A Path to Dignity: The Power of Human Rights Education) என்னும் பெயரில் ஆவணப்படமாகவும் எலினா தயாரித்தார். அதில் இந்தியாவில் உள்ள ஜாதிய வேறுபாடுகள் பற்றியும் ஏழைகளுக்கும் பணக்காரர்களுக்கும் வெவ்வேறு கல்வி முறைகள் நடைமுறையில் இருப்பது பற்றியும் வலி நிறைந்த வார்த்தைகளுடன் பேசியிருந்தார் பிரேமலதா. அப்போது அவர் 8ஆம் வகுப்பு மாணவி. உலகம் முழுவதும் திரையிடப்பட்டு, பலரது மனசாட்சியை உலுக்கிய அந்தப் படத்தை, இந்த ஆண்டு ஜெனீவாவில் நடந்த அய்.நா. சபைக் கூட்டத்தின்போது திரையிடத் திட்டமிடப்பட்டது. அக்டோபர் 1 மற்றும் 2ஆம் தேதியில் நடைபெற்ற அந்நிகழ்வில் பங்கேற்க பிரேமலதாவுக்கு அய்.நா. அழைப்பு விடுத்தது. “நான் மதுர ஜில்லாவைத் தாண்டி வெளிய போனதில்ல சார். என் பையன்களோ, பேரன் பேத்திங்களோ தமிழ்நாட்டைக்கூட தாண்டுனது கிடையாது. ஆனா, என் பேத்தி பிரேமலதா அய்.நா.சபைக்கே போயிட்டு வந்துட்டா” என்று பொக்கைவாய்ச் சிரிப்புடன் சொன்னார் சுப்பையா தாத்தா.

தைரியமான, தெளிவான குரலில் பேசத் தொடங்கினார் பிரேமா”. மனித உரிமைக் கல்வி படிச்சதுதான் என் துணிச்சலுக்குக் காரணம்னு நினைக்கிறேன். அந்த ஆவணப்படம் எடுத்து 10 வருஷம் ஆகிடுச்சி. திடீர்னு அவங்க என்னை அய்.நா.சபைக்குக் கூப்பிட்டப்ப என்கிட்ட பாஸ்போர்ட்கூட இல்ல. வீட்ல தயங்குனப்ப என்னோட சகோதரர்கள்தான் சப்போர்ட் பண்ணுனாங்க. மக்கள் கண்காணிப்பகம் ஹென்றி சார், ஜெனீவா வரைக்கும் நீ தனியாத்தான் போகணும். அதனால அதற்கான பயிற்சியா டெல்லிக்குத் தனியா விமானத்தில் போய்ட்டு வான்னு என்னை ஊக்கப்படுத்தினார்.

ஜெனீவாவிலிருந்து அய்.நா.சபை செல்கையில் என்னை வரவேற்க அய்.நா. அலுவலர்களும், ஈழத் தமிழரான ஜாஸ்மின் அக்கா குடும்பத்தினரும் வந்திருந்தாங்க என்று சொல்லும் பிரேமலதா, “அந்த நிகழ்ச்சியில கலந்துக்கிட்ட மாணவிகள்ல நான் ஒருத்தி மட்டும்தான் இந்தியப் பெண். அதனால், சேலை கட்டிக்கொண்டு போனேன். அந்த ஆவணப் படம் திரையிடப்பட்டதும், அதைப் பார்த்துட்டு என்னைப் பலர் சந்திக்க வந்தாங்க. என்னோட அப்பா லாரி டிரைவர், குடும்பத்தின் முதல் பட்டதாரி நான்தான்னு சொன்னதும் அவங்க மனசாரப் பாராட்டினாங்க’’ என்கிறார் பெருமிதப் புன்னகையுடன்.

மனித உரிமைகள் கவுன்சிலில் ஆங்கிலத்திலும், பிறகு தனியாக நடந்த நிகழ்வில் தமிழிலும் உரையாற்றியிருக்கிறார் பிரேமலதா. இந்தியாவில் நிலவும் ஜாதிய முறையால் பாதிக்கப்பட்ட பெண் நான். ஏற்கெனவே ஜாதி ஏற்றத்தாழ்வுகள் உள்ள இந்தியக் கல்வி முறையில், நீட் தேர்வு முறையானது ஏழை - பணக்காரர் வித்தியாசத்தை அதிகரித்திருக்கிறது. தமிழகத்தில் நீட் தேர்வால்  மாணவி அனிதா தற்கொலை செய்து கொண்டார். எங்களைப் போன்ற பிள்ளைகள் பள்ளி இறுதித் தேர்வில் நல்ல மதிப்பெண் பெற்றிருந்தும் ‘நீட்’ தேர்வால் உயிரை மாய்த்துக் கொள்ளும் நிலை இருக்கிறது எனும் இவரது உரை பல தரப்பிலிருந்தும் பாராட்டுகளைப் பெற்றுத் தந்தது. தற்சமயம் சட்டப்படிப்பு படிக்க நுழைவுத் தேர்வை எழுதிவிட்டுக் காத்திருக்கிறார் பிரேமலதா.

 - - உண்மை இதழ், 1- 15. 11. 19

தலையங்கம் : இடஒதுக்கீட்டில் பொருளாதார அளவுகோல் சட்டப்படி தவறானது!

இடஒதுக்கீடு என்பது சமுக ரீதியாகவும், கல்வி ரீதியாகவும் பிற்படுத்தப்பட்ட மக்களுக்கு அளிக்கப்பட வேண்டும் என்பதுதான் இந்திய அரசமைப்புச் சட்டத்தின் நிலையாகும். இதில் பொருளாதார அளவுகோல் எங்கிருந்து வந்தது?

இது இப்பொழுது மட்டுமல்ல _ தந்தை பெரியார் அவர்கள் கிளர்ச்சியாலும், காமராசர் போன்றவர்களின் ஒத்துழைப்பாலும் இந்திய அரசமைப்புச் சட்டத்தில் முதல் திருத்தம் கொண்டு வந்தபோதே, நாடாளுமன்றத்தில் பொருளாதார அளவுகோலையும் சேர்க்க வேண்டும் என்ற கோரிக்கை வைக்கப்பட்டது. அப்பொழுது பிரதமராக நேரு, சட்ட அமைச்சராக அண்ணல் அம்பேத்கர் ஆகியோர் இருந்தனர்.

பொருளாதார அளவுகோல் என்பது நிரந்தரமல்ல; அடிக்கடி மாறக்கூடிய ஒன்று. அதனால், சமுக ரீதியாகவும், கல்வி ரீதியாகவும் இடஒதுக்கீடு என்பதே சரியானதாகும். அதற்கு வரலாற்றுக் காரணங்களும் உள்ளன என்று பதில் கூறப்பட்டு, அந்தக் கோரிக்கை வாக்கெடுப்புக்கும் விடப்பட்டது. பொருளாதார அளவுகோல் என்பதற்கு ஆதரவாக 5 வாக்குகளும்; எதிராக 243 வாக்குகளும் கிடைத்தன.

பொருளாதாரத்தில் நலிந்தவர்கள் குறித்து 2005இல் மத்திய அரசால் ஓய்வு பெற்ற மேஜர் ஜெனரல் சின்கோ தலைமையில் அமைக்கப்பட்ட ஆணையம்  (Sinho Commission) தனது பரிந்துரையை ஜூலை 2010இல் அளித்தது. 

பொருளாதார அடிப்படையில் இடஒதுக்கீடு தர முடியாது. பொருளாதாரத்தில் பின்தங்கியோருக்கு  நலத் திட்டங்கள் மூலமே அவர்களுக்கு வாய்ப்பளிக்கலாம்.  (For Extending Measures Only) என்றுதான் அது பரிந்துரைத்தது.

திரு. நரசிம்மராவ் பிரதமராக இருந்தபோது...

திரு.நரசிம்மராவ் அவர்கள் பிரதமராக இருந்தபோது (1991இல்) பொருளாதாரத்தில் பின்தங்கிய முன்னேறிய வகுப்பாருக்கு _ திறந்த போட்டியில் பங்கேற்கத் தகுதியானவர்களில் ஒரு சாராருக்கு _ 10 சதவிகித இடஒதுக்கீடு ஆணை 25.9.1991 அன்று பிறப்பிக்கப்பட்டதும் செல்லுமா? செல்லாதா? என்று இந்திரா சகானி வழக்கில் 9 நீதிபதிகள் கொண்ட அமர்வின் தீர்ப்பை ஜஸ்டீஸ் ஜீவன் ரெட்டி அவர்கள் எழுதினார்.

அத்தீர்ப்பின் 867ஆவது பாராவில் குறிப்பிட்டுள்ளதன் சாரம்சம், அரசியல் சட்டம் பொருளாதார அளவுகோலை வைத்து இடஒதுக்கீடு கொடுப்பதை ஏற்காத காரணத்தால், அது செல்லத்தக்கதல்ல என்பதே ஆகும்.

அதேதான் இப்போது கொண்டுவரப்படும் மத்திய அரசின் 10 சதவிகித இடஒதுக்கீடு _ முன்னேறிய ஜாதிகளில் உள்ள ஏழைகளுக்கு என்பது, அரசியல் சட்டத்திருத்தமாக (103) அவசர கோலம் அள்ளித் தெளித்ததாகக் கொண்டுவரப்பட்டுள்ளது.  இந்த 10 சதவிகித முன்னேறிய ஜாதி ஏழைகளுக்கான இடஒதுக்கீடு, அரசியல் சட்டத்தின் அடிக்கட்டுமானத்தில் அடங்கிய  (Basic Structure of the Constitution) அடிப்படையையே தகர்த்தெறிகிறது.

முதலமைச்சர் ஜெயலலிதா எப்படி நடந்துகொண்டார்?

1991இல் முதலமைச்சராக செல்வி ஜெயலலிதா அவர்கள் இருந்தபொழுது, தமிழக அரசு நடத்திய பெரியார் பிறந்த நாள் விழாவில் கலந்துகொண்டபோது எங்கள் வேண்டு கோளை ஏற்று, 69% இடஒதுக்கீட்டுக்கு சட்டப் பாதுகாப்பு கிடைக்கச் செய்தார்.

ஏற்கெனவே எம்.ஜி.ஆர். முதல்வராக இருந்தபொழுது கொண்டுவந்த பிற்படுத்தப்பட்டோருக்கான இடஒதுக்கீட்டில் 9,000 ரூபாய் வருமான வரம்பு கைவிட்டதை மனதிற் கொண்டே செல்வி ஜெயலலிதா இதைச் செய்தார்.

அதனால்தான் “சமுகநீதி காத்த வீராங்கனை’’ என்னும் பட்டத்தை திராவிடர் கழகம் அவருக்கு அளித்தது. அந்த வரலாற்றை இன்றைய அ.தி.மு.க. அரசு மாற்றிவிடக் கூடாது. மாற்றினால், அது வரலாற்றுப் பிழையாகிவிடும் என்பதை அரசியலுக்கு அப்பாற்பட்டு சுட்டிக்காட்ட விழைகிறோம்.

445 உயர்கல்வி நிறுவனங்களில் 28 விழுக்காடு உயர்ஜாதியினர்

கடந்த ஜூன் மாதம் 8 ஆம் தேதி வெளிவந்த ‘எகனாமிக் அண்ட் பொலிட்டிக்கல் வீக்லி’ வார ஏடு ஓர் அதிர்ச்சியான தகவலை வெளியிட்டுள்ளது. அய்ந்து ஆய்வாளர்கள், நிபுணர்கள் மேற்கொண்ட ஆய்வின் அடிப்படையில் அந்த விவரம் வெளியிடப்பட்டுள்ளது. 445 உயர்கல்வி நிறுவனங்களில் உயர்ஜாதியினர் 28 விழுக்காடு இடங்களை ஆக்கிரமித்துக் கொண்டுள்ளனர். அவர்களுக்குத்தான் மேலும் 10 விழுக்காடு இடங்கள் என்பது சமுக நீதியா?

பொதுப் போட்டியில் உள்ள 31 விழுக்காடு இடங்கள் என்பவை உயர்ஜாதியினருக்கு மட்டுமல்ல, தாழ்த்தப்பட்ட, மலைவாழ் மக்கள், பிற்படுத்தப்பட்டோர் உள்ளிட்ட அனைவரும் போட்டியிடக்கூடிய இடம். அந்த 31 விழுக்காட்டில் உயர்ஜாதி ஏழை, உயர்ஜாதியினருக்கு 10 விழுக்காடு இடங்களைப் பிரித்துக் கொடுப்பது சட்டப்படி எப்படி சரியாகும்?

எடுத்துக்காட்டாக, மத்திய அரசின் 40 பல்கலைக்கழகங்களில், பேராசிரியர்கள் பதவிகளில், உயர்ஜாதியினர் 95 விழுக்காடு உள்ளனர். துணைப் பேராசிரியர் பதவிகளில் 93 விழுக்காடும், உதவிப் பேராசிரியர் பதவிகளில் 66 விழுக்காடும் உள்ளனர். மீதம் உள்ள நிலைகளில் இடஒதுக்கீடு உரிமை உள்ள பிற்படுத்தப்பட்ட, தாழ்த்தப்பட்ட, பழங்குடியினர் இருக்கின்றனர். குறிப்பாக, பேராசிரியர் 1125 பதவிகளில், துணைப் பேராசிரியர் 2620 பதவிகளில், பெரும்பான்மை மக்களைக் கொண்ட பிற்படுத்தப்பட்டோர் ஒருவர்கூட இல்லை.

இட ஒதுக்கீடு வறுமையை ஒழிக்கும் திட்டமல்ல!

இடஒதுக்கீடு என்பது வறுமை ஒழிப்புத் திட்டமல்ல  (NOT  A POVERTY ALLEVIATION SCHEME). சமுகத்தில் பிறப்பின் அடிப்படையில் ஜாதியின் காரணமாக உரிமை மறுக்கப்பட்ட மக்களுக்கு, அரசு அதிகாரத்தில் வழங்கப்படும் பங்கு என உச்சநீதிமன்ற மேனாள் நீதியரசர் ஓ.சின்னப்ப ரெட்டி அவர்கள் ஒரு வழக்கின் தீர்ப்பில் கூறியுள்ளார். உயர்ஜாதியில் பொருளாதாரத்தில் நலிந்த மக்களுக்கு, உதவி செய்ய வேண்டும் என்று நினைக்கும் அரசு, அவர்களுக்கு, கல்வி கற்க ஊக்கத்தொகை அளிக்கலாம்; கல்விக் கடன் குறைந்த வட்டியில் தரலாம்; சிறப்புப் பயிற்சி அளிக்கலாம். ஆனால், இடஒதுக்கீடு தீர்வு அல்ல. ஏற்கெனவே, தங்களது விகிதாசாரத்திற்கு பன்மடங்கு அதிகமாக (70 விழுக்காட்டிற்கும் மேல்) அதிகாரத்தை கையில் வைத்திருக்கும், உயர்ஜாதியினர்க்கு, குறுக்கு வழியில், மேலும் 10 விழுக்காடு பொருளாதார அடிப்படையில் அளிப்பது, சமுக அநீதியாகும்; பிற்படுத்தப்பட்டோர், தாழ்த்தப்பட்டோர், பழங்குடியினர் உரிமை பறிக்கும் செயலாகும்.

கி.வீரமணி,

ஆசிரியர்

 - உண்மை இதழ், ஜூலை, 16-31.19

69% இடஒதுக்கீட்டை உறுதிச் செய்ய சட்ட முன்வடிவு

 69% இடஒதுக்கீட்டை உறுதிச் செய்ய அரசியல் சட்டம் 31(சி) விதியைப் பயன்படுத்தி 9ஆவது செட்டியூலில் இடம் பெறச் செய்ய வேண்டும் அதற்கான ஒரு தனிச் சட்டத்தைச் சட்டமன்றத்தில் ஒரு மனதாக நிறைவேற்ற வேண்டும் இதை தமிழக முதல்வர் செய்து வரலாற்றச் சாதனையைப் படைத்து, சமூக நீதி வரலாற்றினுள் நிரந்தர இடத்தைப் பெற வேண்டும் என நாம் கேட்டுக் கொண்டோம்.

ந்நூ.ந்நூபுயூடுஷிட்

30.12.1993 தமிழக சட்ட மன்றத்தில்  தாழ்த்தப்பட்டோர், பிற்படுத்தப்பட்டோர் மற்றும் பழங்குடியினருக்கான 69 சதவீத இடஒதுக்கீட்டைப் பாதுகாக்க - தமிழ்நாடு அரசே தனிச்சட்டம் இயற்ற முன்வந்துள்ளதைத் தொடர்ந்து அதற்கான மசோதாவை தமிழக முதல்வர் சட்டசபையில் அறிமுகம் செய்தார்.

 காலை 10 மணிக்கு சட்டப் பேரவை கூடியதும் முதலில் கேள்வி நேரம் எடுத்துக் கொள்ளப்பட்டது. அதனைத் தொடர்ந்து தமிழக முதல்வர் தனிச் சட்டத்துக்கான மசோதாவை சட்டப் பேரவையில் அறிமுகம் செய்தார்.(இது ஒரு தமிழக வரலாற்றுப் பொன்னாள்.)

மசோதா அனைத்துக் கட்சி உறுப்பினர்களின் ஒருமித்த ஆதரவு - ஆரவாரத்துக்கிடையே முதலமைச்சர் அறிமுகப்படுததினார். மசோதாவை அறிமுகப்படுத்துவதற்கு அவையில் ஓர் உறுப்பினர் கூட எதிர்ப்பு தெரிவிக்கவில்லை! இந்த மசோதா மீது நாளை விவாதம் நடைபெறும். சட்டப் பேரவையில் மசோதா நிறைவேறிய பிறகு - குடியரசுத் தலைவரின் ஒப்புதலுக்கு அனுப்பப்பட்டு அவர் கையெழுத்திட்டவுடன் அது சட்டமாகும். நகல் மசோதாவின் முன்னுரையில் “இந்தச் சட்டமானது அரசமைப்பின் IV---ம் பகுதியில், அதிலும் குறிப்பாக 38ஆம் உறுப்பிலும், 34ஆம் உறுப்பின் (b) மற்றும் (c) எனும் கூறுகளிலும், மற்றம் 69ம் உறுப்பிலும் விதிக்கப்பட்டுள்ள கோட்பாடுகள் நிறைவேற்றப்படுவதை உறுதி செய்கிற வகையில், அரசின் கொள்கைகளுக்குச் செயல்வடிவம் கொடுப்பதற்காக இயற்றப்படுகிறது என்று இதன் மூலம் விளம்பப்படுகிறது’’ என்று குறிப்பிடப்பட்டுள்ளது.

மசோதாவை முன்மொழிந்து தமிழக முதல்வர் செல்வி ஜெ.ஜெயலலிதா அவர்கள் பேசியதாவது:

1. “பிற்படுத்தப்பட்ட வகுப்பினர், ஷெட்யூல்டு ஜாதியினர் மற்றும் ஷெட்யூல்டு பழங்குடியினர் ஆகியோருக்குக் கல்வி நிலையங்களில் இடங்களை ஒதுக்குங்கள் மற்றும் அரசுப் பணிகளில் நியமனங்களை அல்லது பதவிகளை ஒதுக்கீடு செய்தல் என்னும் கொள்கையானது. 1921ஆம் ஆண்டிலிருந்தே தமிழ்நாட்டில் நீண்டதொரு வரலாற்றினைப் பெற்று வந்துள்ளது. இந்த இடஒதுக்கீட்டின் அளவானது பெரும்பான்மை மக்களின் தேவைகளுக்கிணங்கிய வகையில், நிலையாக மேல் நோக்கி வளர்த்துவந்து, தற்போது அது 69 சதவீதம் என்னும் அளவினை எட்டியுள்ளது.

2. உச்சநீதிமன்றமானது, இந்திரா சஹானி-க்கும், இந்திய அரசுக்குமிடையேயான (AIR 1993 5C பக்கம் 477) வழக்கில், அரசமைப்புச் சட்த்தின் 14(4) எனும் உறுப்பினர் படியான மொத்த இடஒதுக்கீடுகள், 50 சதவிதத்திற்கு மேற்படுதல் ஆகாது என்று கூறி 24.11.1982 அன்று தன் தீர்ப்புரையினை வழங்கியது. நடப்புக் கல்வியாண்டிற்குக் கல்வி நிலையங்களில் சேர்த்துக் கொள்ளப்படுவது குறித்து பிரச்சினை சென்னை உயர்நீதிமன்றத்தின் முன்னர் வந்தபோது, இதுநாள் வரையில் கடைப்பிடிக்கப்பட்டு வந்த தன் இடஒதுக்கீட்டுக் கொள்கையினை தமிழ்நாடு அரசு நடப்புக் கல்வி ஆண்டின்போது தொடர்ந்து கடைப்பிடித்து வரலாம் என்றும், அந்த இடஒதுக்கீட்டு அளவானது அடுத்த

1994-95ஆம் கல்வி ஆண்டின்போது, தற்போதுள்ளதைக் குறைத்து 50 சதவீதத்திற்குக் கொண்டு வரப்படுதல் வேண்டும் என்றும் சென்னை உயர்நீதிமன்றம் தீர்ப்பு வழங்கியது. பிற்படுத்தப்பட்ட வகுப்பினரின் தொடர்ந்து முன்னேற்றத்தை உறுதி செய்ய மாநில அரசின் தற்போதைய இடஒதுக்கீட்டுக் கொள்கையானது மீண்டும் உறுதிப்படுத்தப்படுதல் வேண்டும் என்பதற்காக வேண்டி, தமிழ்நாடு அரசானது, சென்னை உயர்நீதிமன்றத்தின் மேற்சொன்ன தீர்ப்பினை எதிர்த்து உச்சநீதிமன்றத்தில் தனி அனுமதி மனுவொன்றைத் தாக்கல் செய்துள்ளது. இந்திய உச்சநீதிமன்றமானது, கல்வி நிலையங்களில் சேர்த்துக் கொள்ளப்படுவதைப் பொறுத்த அளவில் இட ஒதுக்கீடானது 80 சதவிதத்திற்கு மேற்படுதல் கூடாது என்பதை மீண்டும் வலியுறுத்தி இடைக்கால ஆணையொன்றைப் பிறப்பித்துள்ளது.

69% இடஒதுக்கீட்டு தீர்மானம் நிறைவேற்றிய பின் முதல்வரை சந்தித்து நன்றி தெரிவிக்கும் தமிழர் தலைவர் ஆசிரியர்

3. இம்மாநிலத்திலுள்ள மொத்த மக்கள் தொகையில் ஏறத்தாழ 50 சதவீத அளவினர் குடிமக்களில் பிற்படுத்தப்பட்ட வகுப்பினரையும் மற்றும் ஷெட்யூல்டு சாதியும், ஷெட்யூல்டு பழங்குடிகளையும் சேர்ந்தவர்களாக இருக்கின்ற நிலையில், அரசுப் பணிகளிலும், கல்வி நிலையங்களில் சேர்த்துக் கொள்ளப்படுவதிலும், 69 சதவீத இட ஒதுக்கீட்டுக் கொள்கை ஒன்றுதான், தமிழ்நாட்டிலுள்ள பிற்படுத்தப்பட்ட வகுப்பு மக்களின் தொடர்ந்த முன்னேற்றத்தை உறுதி செய்யும் என்பதோடு, மாறி வருகின்ற சூழ்நிலைகளுக்கும் அது வகை செய்யும் என்பதால், மேற்சொன்ன இடஒதுக்கீட்டுக் கொள்கையினைத் தமிழ்நாடு அரசு தொடர்ந்து கடைப்பிடித்து வர இயலும் வகையில் இந்திய அரசமைப்புச் சட்டத்தில் தக்க திருத்தங்களைக் கொண்டு வருவதற்காக மய்ய அரசு உடனடி நடவடிக்கைகளை எடுக்க வேண்டுமென்று கேட்டுக்கொண்டு, 1993ஆம் ஆண்டு நவம்பர் திங்கள் 9ஆம் நாளில் நடைபெற்ற தமிழ்நாடு சட்டமன்ற பேரவையின் சிறப்புக் கூட்டத்தில் ஒருமனதாகத் தீர்மானம் நிறைவேற்றப்பட்டது.

4. தமிழ்நாட்டு மக்களில் மிகப் பெரும்பான்மையினர் உள்ளுணர்வுகளைப் பிரதிபலிக்கின்ற வகையில், 1993ஆம் ஆண்டு நவம்பர் திங்கள் 24ஆம் நாளில் நடைபெற்ற அனைத்துக் கட்சிக் கூட்டமானது. பிற்படுத்தப்பட்ட வகுப்பினரின் நலனுக்காகவும், முன்னேற்றத்திற்காகவும் 69 சதவீத இடஒதுக்கீட்டினைத் தொடர்ந்து நிறைவேற்றுவதை உறுதி செய்வதில் எந்தவிதமான அய்யப்பாடோ, காலத் தாழ்வோ இருத்தல் கூடாது என்பதை வலியுறுத்தியது. அந்தக் கூட்டத்தில், அரசமைப்புச் சட்டத் திருத்தமொன்று கொண்டு வரப்பட வேண்டும், அல்லது இம்மாநில அரசு தனிச்சட்டமொன்றை இயற்றுதல் வேண்டுமென்று ஒருமனதாகத் தீர்மானம் நிறைவேற்றப்பட்டது. தமிழ்நாட்டிலுள்ள அனைத்து அரசியல் கட்சிகளின் தலைவர்களும் மற்றும் சமூக அமைப்புகளும் இம்மாநில அரசின் தற்போதைய இடஒதுக்கீட்டுக் கொள்கையினைத் தொடர்ந்து செயற்படுத்துவதற்காக உரிய நடவடிக்கைகள் அனைத்தையும் மேற்கொள்ளுமாறு மாநில அரசினைக் கேட்டுக் கொண்டுள்ளனர். அதற்கிணங்கிய வகையில், சமூக நீதி என்னும் குறிக்கோளை எய்துவதற்காக வேண்டி, தமிழ்நாட்டு மக்களின் மிகப் பெரும்பான்மையினரின் பெருவிழைவிற்குச் செயல்வடிவம் கொடுப்பதற்காகத் தனிச் சட்டமொன்றை ஒரு முன் தேதியிலிருந்தே நடைமுறைக்கு வருகின்ற வகையிலும், ஏற்கெனவே இது குறித்துச் செய்யப்பட்ட செயல்களையும், எடுக்கப்பட்ட நடவடிக்கைகளையும் செல்லத் தக்கனவாக்குவதற்குத் தேவையான வகை முறைகளுடன் சேர்த்தும், கொண்டு வருவதென முடிவு செய்யப்பட்டுள்ளது.

4. இச்சட்ட முன்வடிவு, மேற்சொன்ன முடிவிற்குச் செயல்வடிவம் கொடுக்க விழைகின்றது.’’

இவ்வாறு முதலமைச்சர் குறிப்பிட்டார். இந்த மசோதாவை அனைத்துக்கட்சி உறுப்பினர்களும் ஆரவாரத்துடன் கைத்தட்டி வரவேற்றனர்.

அன்று சட்டமன்ற கூட்டம் முடிந்த பின்பு, தமிழக முதல்வர் ஜெயலலிதாவை சந்தித்தேன்.

நான் “தமிழகத்தில் 69 சதவீத இடஒதுக்கீடு தொடர்ந்து நீடிக்க வகை செய்யும் மசோதாவை தமிழக சட்டமன்றத்தில், தமிழக முதல்வர் ஜெயலலிதா தாக்கல் செய்ததற்காக முதல்வரைப் பாராட்டி நன்றி’’ தெரிவித்தேன்.

தமிழக முதல்வர் செல்வி ஜெ.ஜெயலலிதா அவர்கள் நமது வேண்டுகோளை, வழிகாட்டுதலை ஏற்று சட்டமன்றத்தில் இதற்கான தீர்மானத்தை நிறைவேற்றினார். இந்த தீர்மான நிறைவேற்றம் இந்தியாவிற்கே வழிகாட்டுவதாய், ஆந்திர ஒடுக்கப்பட்டோர் அமைப்பின் தலைவர் 90 வயது நிரம்பிய சுதந்திரப்போராட்ட வீரர் சர்தார் கோது லட்சண்ணா எனக்குத் தந்தி அனுப்பி பாராட்டினார்.

கழகத்தின் இடைவிடாத போராட்டத்திற்கும், முயற்சிக்கும் இது ஒரு மாபெரும் வெற்றியாகும். சமூக நீதிக்குக் கிடைத்த அசைக்க முடியாத நிரந்தர பாதுகாப்புக்கு அடிப்படையாகவும் இது அமைந்தது. கழகம் தந்தை பெரியாருக்குப்பிறகு இப்படி ஒரு வரலாறு படைத்தது.

- அய்யாவின் அடிச்சுவட்டில் கட்டுரையின் ஒரு பகுதி

- உண்மை இதழ் ஜூன் 16 ஜூலை 15.2020

கருநாடகாவில் தலைவிரித்தாடும் ஜாதியக் கொடுமை கீழ்ஜாதிக்காரர்களுக்கு முடி வெட்டக் கூடாதாம்!

 

November 22, 2020 • Viduthalai • இந்தியா

புகார் கொடுத்தும் கருநாடகா பா.ஜ.க. ஆட்சியில் நடவடிக்கை இல்லை

மைசூரு, நவ.22 கருநாடகத்தில்,  உயர் ஜாதியினர் அல்லாதவர்களுக்கு முடி திருத்தம் செய்ததற்காக, மல்லி கார்ஜூன் ஷெட்டி என்பவர், நாயக் ஜாதிக்காரர்களால் ஊர் விலக்கம் செய்யப்பட்டுள்ளார் மற்றும் அவ ருக்கு ரூ.50000 அபராதமும் விதிக்கப் பட்டுள்ளது.

47 வயதாகும் அந்த முடிதிருத்துநர், மைசூரு மாவட்டத்தின் நன்ஜன்குட் தாலுகாவில், ஹல்லாரா கிராமத்தில் வசித்து வருகிறார். இந்நிலையில், இவர் தனது முடிதிருத்தம் செய் யும் நிலையத்தில் அனைத்து ஜாதி யினருக்கும் முடிதிருத்தம் செய்து வந்தார்.

அந்த ஊரில் உள்ள உயர்ஜாதியி னர் இவரை வீட்டிற்கு அழைத்து முடிவெட்டி வந்தார்கள். கரோனா பொது முடக்கம் முடிந்த பிறகு இவர் கடையில் முடிவெட்டுபவர்கள் அதிக எண்ணிக்கையில் வரத் தொடங்கவே இவருக்கு உயர் ஜாதி யினரின் வீட்டிற்குச் சென்று முடி வெட்ட நேரம் இல்லை. இதனால் நீங்கள்கடைக்கு வாருங்கள்என்று உயர்ஜாதியினரிடம் கேட்டுக்கொண் டார்.இதனால்ஆத்திரமடைந்த  உயர்ஜாதியினர், இனிமேல்உயர்ஜாதி யினருக்குமட்டுமே கடையில்முடி வெட்டவேண்டும் என்று உத்தர விட்டுள்ளனர்.  இவரின் கடைக் குச் சென்ற, இவரது கிராமத்தின் உயர்ஜாதி சமூகத்தைச் சேர்ந்த மகா தேவா நாயக், சங்கரா மற்றும் சிவராஜு உள்ளிட்டோர், இனி மேல் தங்களைத் தவிர வேறு யாருக்கும் முடிவெட்டக் கூடாது, அப்படி வெட்டினால் ஊரை விட்டு விரட்டிவிடுவோம் என்று மிரட்டி யுள்ளனர்.

அதற்கு அவர் நான்  யாருக்கும் ஜாதி பார்ப்பதில்லை என்பதாகப் பதிலளித்தார். இதனை அடுத்து தாங்கள் சொல்வதைக் கேட்கவில்லை என்றால் இந்த ஊரைவிட்டுச் சென்றுவிடு என்று கூறி அவர் ரூ.50000அபராதம் செலுத்த வேண்டு மெனவும் கூறினர்.  ஆனால், இதற்கு உடன்பட மறுத்துவிட்டார் மல்லிகார்ஜூன். எனவே, அவர்மீது ஊர்விலக்க நடவடிக்கையை அறிவித் ததோடு, அவரின் கடைக்கு யாரும் முடிதிருத்தச்செல்லக்கூடாதுஎன் றும் ஊருக்குள் பிரச்சாரம் செய்தனர்

கடந்த 3 மாதங்களாகவே உயர் ஜாதியினர் மிரட்டி வருவதால், காவல்துறையில் புகார் அளித்தார்.  காவல்துறையினர், புகாரைப் பதிவு செய்யாமல் விட்டு விட்டனர். காவல் துறையினரிடம் தங்கள் மீது புகார் அளித்ததை அறிந்த உயர்ஜாதியினர் மல்லிகார்ஜூனின் 21 வயது மகனை வீட்டிலிருந்து கடத்திச் சென்று, அவரை வலுக்கட்டாயமாக மது குடிக்க வைத்து  நாயக் சமூகத்தைப் பற்றிகேவலமாகப் பேசுமாறுசெய்து, அதை காணொலியில் படம் பிடித்த னர். இதன்மூலம், காவல் துறையிடம் சென்றால், அந்தக் காணொலியை வெளியிட்டு விடுவதாகவும் மிரட் டியுள்ளனர்.

மல்லிகார்ஜூன் தன்மீதும், தனது குடும்பத்தினர் மீதும் தொடர்ந்து தாக்குதல்கள் தொடுத்துவருவதை அடுத்து அப்பகுதி வட்டாட்சியரிடம் புகார் அளித்துள்ளார். ஆனால், வட்டாட்சியர் உயர்ஜாதியினருக்கு ஆதரவாகப்பேசி அவரைசமாதா னப் படுத்த முயன்றார். இதனை அடுத்து அவர் உள்ளூர் ஊடகவி யலாளர்களைச் சந்தித்து தனது குறையைக்கூறி மாவட்ட ஆட்சித் தலைவரிடம் புகார் மனு அளித் துள்ளார்.